ابڙو اڪيڊمي Abro Academy
2020-07-18
داخلا نمبر 527
عنوان ڳاني ڳيرو
شاخ پکي
پڙهيو ويو 359
داخلا جو حوالو:
ڳاني ڳيرو
30 سينٽي ميٽر ڊيگهه اٿس. سڄي سنڌ بلڪه هند ۽ چين کان يورپ تائين عام آهي. ٻهراڙين ۾ ان جي جادوئي ”گُگُهو! گُگُهو!“ هڪ شاعراڻو پُر اسرار ۽ روحاني ماحول طاري ڪري ٿي. ٽولين جي صورت ۾ يا اڪيلو نظر ايندو آهي. نَر مادي هڪجهڙا ٿين ٿا البت نابالغ ڳيري کي ڳانو ڪونه ٿئي. چهنب ڪاري ۽ پير ڳاڙها ٿيندا اٿس.
هن ڳيري جو رنگ ناسي سرمائي ڀورو ٿئي ٿو. پرن جو پويون حصو ڪي قدر ڪارڙو ، ڪنڌ تي ڪاري رنگ جو اڌ ڳانو اٿس. کليل وڻڪار جي ميدان، کيتن ۾ ڏسجي ٿو. جهنگلي ٻج، اَن، ٻير ۽ چوپائي مال جو کاڌو کائي ٿو. جنهن مهل اڏامندو آهي ته پرن ۽ پڇ هيٺان اڇا ڪارا کنڀ ظاهر ٿيندا اٿس. ڪاٺڙين جو آکيرو ٺاهي ٿو. ڳاني ڳيرو ماحول : 3 جو پکي آهي.